ຢ່າງ​ນ້ອຍ​ 4 ​ຄົນ​ຖືກ​ຂ້າ​ຕາຍ ​ແລະ​ອີກ​ຫຼາຍສິບຄົນ ​ໄດ້​ຮັບ​ບາດ​ເຈັບ ​ໃນລະຫວ່າງການ​ໂຈມ​ຕີ​ ບ່ອນ​ໂຮມ​ຊຸມນຸມ​ປະ​ທ້ວງ​ຕໍ່ຕ້ານ​ລັດຖະບານ​ ໃນທົ່ວປະເທດໄທ ໃນທ້າຍອາທິດນີ້.

ເຈົ້າໜ້າທີ່ສຸກເສີນ ເວົ້າວ່າ ການໂຈມຕີດ້ວຍລະເບີດ ຢູ່ບ່ອນ ໂຮມຊຸມນຸມແຫ່ງນຶ່ງ ໃນໃຈ ກາງບາງກອກ ໃນວັນອາທິດມື້ນີ້ ເຮັດໃຫ້ສອງຄົນເສຍຊີວິດ ໂຮມທັງເດັກຊາຍ ໄວ 12 ປີ ຄົນນຶ່ງ ແລະອີກ 22 ຄົນໄດ້ຮັບບາດເຈັບ.

ໃນວັນເສົາວານນີ້ ເຈົ້າໜ້າທີ່ກ່າວວ່າ ມີ​ຢ່າງ​ນ້ອຍ​ສອງ​ຄົນ​ຖືກ​ ຂ້າຕາຍ ​ແລະ​ອີກ​ປະມານ 41 ຄົນ ​ໄດ້​ຮັບ​ບາດ​ເຈັບ ​ເວລາ​ພວກ ​ມື​ປືນທີ່ ບໍ່​ຮູ້​ວ່າແມ່ນ​ໃຜ ໂຈມ​ຕີ​ບ່ອນ​ໂຮມ​ຊຸມນຸມ​ປະ​ທ້ວງ​ຕໍ່ຕ້ານ ລັດຖະບານ​ແຫ່ງ​ນຶ່ງ ຢູ່ຈັງວັດຕຣາດ ຫ່າງ​ຈາກ​ບາງກອກ​ໄປ ​ທາງ​ທິດຕາ​ເວັນ​ອອກ ປະມານ 300 ຫຼັກ.